Matarreikningar lækka.

Matarreikningur vísitölufjölskyldunnar lækkar um tæpar 50.000 krónur á ári ef tillögur matvælanefndar forsætisráðherra ná fram að ganga. Ekki er samkomulag um að fella niður tolla af innfluttum landbúnaðarvörum. Nefndin mun væntanlega skila forsætisráðherra niðurstöðum sínum á næstunni.

Forsætisráðherra skipaði nefndina í upphafi ársins og í henni sitja fulltrúar stjórnvalda, vinnumarkaðarins og bænda. Megin verkefni hennar var að leggja fram tillögur um að lækka matvælaverð og færa það nær því sem gengur og gerist í nágrannalöndunum.

Nefndin koma saman í gær og líklega er það síðasti fundur nefndarinnar. Nú er verið að leggja lokahönd á skýrslu nefndarinnar, sem verður afhent forsætisráðherra á næstu dögum og í framhaldi af því kynnt opinberlega.

Eftir því sem næst verður komist náðist ekkert samkomulag um niðurfellingu tolla af innfluttum landbúnaðarvörum sem Alþýðusambandið ásamt fleirum í nefndinni hafa lagt mikla áherslu á að gert verði. Hins vegar verður sjónarmiðum nefndarmanna lýst í skýrslunni og gert ráð fyrir að með því verði lagður grunnur að áframhaldandi umræðu um málið. Það kemur því í hlut ríkisstjórnar og stjórnmálamanna að taka af skarið.

Hins vegar er samstaða um beinar tillögur sem eru í fjórum liðum: Vörugjald á matvælum verði lagt niður. Sú aðgerð mun hafa 0,6% áhrif á neysluvísitöluna eða lækka matarreikninginn um 22.000 á ári. Þá verða allar matvörur með 14% virðisaukaskatt. Nú bera um 20% matvara fullan virðisaukaskatt, það eru einkum gosdrykkir sælgæti og kex. Þessi breyting hefur 0,2% áhrif á vísistöluna. Þá verður virðisaukinn í veitingahúsageiranum einfaldaður og færður niður í 14%.

Samanlagt þýða þessar tillögur; niðurfellingu á vörugjöldum og breytingar á virðisaukaskattinum, að matarreikningur meðalfjölskyldu lækkar um 50.000 krónur á ári miðað við verðlag síðasta árs. Að lokum er samstaða um að hrófla ekki við matarskattinum svokallaða og að hann verði áfram 14%.

Í skýrslu nefndarinnar eru nefndar ýmsar aðrar leiðir til að lækka matarverðið meðal annars á sviði samkeppnismála.

Heimild: www.ruv.is

HM 2006.

Maður mótsins, Zidane. Enn á eftir að koma í ljós hvað gerðist, en hæfileikarnir eru miklir.

Eins og ævinlega þá hélt maður með Englendingum til að byrja með, eða þar til að þeir duttu út fyrir Portúgölum. Englendingar voru reyndar ekki að spila neitt sérstaklega vel, vantar ævinlega eitthvað uppá. En það er merkilegt með þjóðarsálina ensku, líkir okkur Íslendingum, að væntingar eru alltaf umfram getu.

Flottir stuðningsmenn.

Og ekki eru úrslit alltaf í samræmi við væntingar, það er morgunljóst, ...

en sigrar þeim mun ánægulegri.

Sveitasetrið og ...

Mun nota helgina til að vera á Sveitasetrinu, en spáin lofar loksins þokkalegu sumri um helgina. En alla hina dagana lætur maður sig dreyma um ævintýraeyjuna!

Sumarfrí.

Betri Mosfellsbær!

Marteinn Magnússon, oddviti B-listans í Mosfellbæ.

Helg Jóhannesdóttir, annar maður á B-listans í Mosfellsbæ.

Efstu menn B-listans í Mosfellsbæ.

Frambjóðendur á Akureyri.

Yfirlýsing frá kosningastjóra

Það leiðinlega atvik átti sér stað í lok síðustu viku að ungur sjálfboðaliði á vegum framboðsins uggði ekki að sér og lagði jeppabifreið sem framboðið hefur á leigu í stæði merkt fötluðum. Þetta atvik er harmað og um leið beðist afsökunar á þessu. Slíkt á ekki að geta komið fyrir en því miður átti þetta sér stað og sjálfboðaliðinn er miður sín vegna þessa.

Þetta gerðist fyrir utan Rimaskóla í Grafarvogi þegar íbúasamtök hverfisins buðu frambjóðendum til kvöldfundar til að kynna stefnumál sín. Mikil rigning var þetta kvöld og því miður sá bílstjórinn ekki merkinguna en var með hugann við að komast eins nálægt skólanum og kostur var því hann átti að bera inn töluvert magn af vatni sem framsóknarmenn buðu gestum fundarins upp á.

Fundurinn tókst með ágætum og mættu um 140 manns til að hlýða á frambjóðendur. Hér er vert að koma á framfæri þakklæti til íbúasamtakanna en því miður bar þennan skugga á og er það von mín að með þessari yfirlýsingu átti menn sig á að hér var um óviljaverk að ræða.

Rúnar Hreinsson kosningastjóri

Seðlaveskið í þvottavélinni!!

Snillingurinn, ég, fann seðlaveskið í þvottavélinni í morgun. Það fór í gegnum hugan hvort að maður gangi á öllum „fimm“ þessa dagana, eða hvort það hafi yfir höfuð einhvern tímann gerst?!

Sérvalið þvottaefni í Bónus, mýkingarefni frá Spar og Gvendarbrunnavatn tókst að leysa upp seðla, nótur og nafnspjöld. Kortin sluppu líklega og bókasafnskortið!

Að lokum. Leitið að dóti í vösum áður en fatnaður er settur í þvottavélina!! Það er hyggilegra.

Hjólað í vinnuna.

Siv startaði nýju átaki ÍSÍ í morgun - Hjólað í vinnuna. Maður fer einmitt núna að taka fram fákinn eftir vetrarhlé. Verður gaman að hjóla út á Nes í sumar enda frábær leið frá uppsveitum Kópavogs meðfram strandlengjunni út á Seltjarnarnes.

Framsóknarleiðtogar í framboði.

Leiðtogar í Mosfellsbæ, Marteinn Magnússon og Helga Jóhannesdóttir.

Leiðtogar í Reykjavík, Björn Ingi Hrafnsson og Óskar Bergsson.

Leiðtogar í Hafnarfirði, Sigurður Eyþórsson og Fjóla Halldórsdóttir.

exbé!

Hver er daman?

Hún er mjög þekkt, á yngri árum var hún ósigrandi í íþróttum og hefur gaman af skák!

Hljómsveitin VESPRÉ.

Að ofan hljómsveitin VESPRÉ, hún kom sá og sigraði á fyrri hluta 9. áratugar síðustu aldar. Poppheimurinn var ekki samur á eftir.

Þrátt fyrir vatnaskil þess tíma virðast sérfræðingar hafa haldið umfjöllun um sveitina í algjöru lágmarki.

Nýtt framsóknarfélag stofnað í borginni.

Nýtt Framsóknarfélag, Þjóðmálafélagið Akur, hefur verið stofnað í Reykjavík. Anna Kristindóttir hefur í fréttum látið hafa eftir sér að þessu nýja félagi sé ætlað að koma á öflugu félagsstarfi og sýna fram á að hægt sé að skiptast á skoðunum án þess að menn séu þá beinlínis í flokkadráttum sem gætu falið í sér að auka á deilur og tortryggni.

Þessu ber að fagna og hlakka ég til að fylgjast með framhaldinu.

En mig langar aðeins til að velta fyrir mér nafni þessa félags, Akur. Í orðabók Menningarsjóðs segir: 1 ræktað sáðland: kornakur, kartöfluakur; túnið er allt einn akur, þ.e. kafsprottið; afleidd eða huglæg merking er fara eins og logi yfir akur, þ.e. breiðast út mjög hratt (um frétt, farsótt o.fl.). 2 mergð, urmull.

Og nú er Akur orðið Þjóðmálafélag, það eru spennandi tímar framundan.

Manntafl í rífandi stemmingu í Ráðhúsinu.

Á þriðjahundrað manns urðu vitni að rífandi stemmingu á hraðskákmóti Skáksambands Íslands í Ráðhúsinu í gær. Eftir að um annað hundruð skákmenn höfðu att kappi í fyrradag, var komið að úrslitaeinvígi Magnúsar Carlsen og Hannesar Hlífars Stefánssonar. Spennustigið var í hámarki í Tjarnarsalnum, eftirlæti margra, Magnús og einn af sonum Íslands Hannes Hlífar voru sestir við háborðið. Skákdómari tilkynnti að hefja skyldi taflið og áhorfendur þögnuðuð.

Úrslit urðu á þann veg að Magnús vann báðar skákirnar og því óumdeildur sigurvegari mótsins, sem hann var mjög vel kominn af. Hafði hann m.a. unnið heimsmeistarann í hraðskák, Viswanathan Anand. Eftir það einvígi var gaman að fylgjast með litlu systur Magnúsar, er hún sýndi með báðum þumalfingrum velþóknun sína á afreki stóra bróður og uppskar breitt bros hans. Þau taka greinilega þátt í þessu með honum af lífi og sál.

Þátttöku undirritaðs lauk fyrri dag keppninnar, hefði orðið að lenda 60 sætum ofar til að komast í 64-manna úrslit, þannig að maður var langt frá sínum villtustu draumum, enda sumir draumar varla raunhæfir!

Andstæðingur minn í 1. umferð komst þó nokkuð langt, enda minnir mig að hann sé fyrrum ólympíufari fyrir Íslands hönd, Jón Garðar Viðarsson. Í 64-manna úrslitum tefldi hann gegn Inna Gaponenko, stórmeistara kvenna, og vann 1½-½. Í 32-manna úrslitum tefldi hann gegn stórmeistaranum Pentala Harikrishna sá er 19 ára frá Indlandi og feikilegt efni í ofurstórmeistara. Það reyndist of hár veggur að klífa.

Mér á vinstri hönd einmitt í þessari 1. umferð var ung skákkona Turkan Mamedjarova frá Azerbaijan, fædd 1989 og er alþjóðlegur meistari kvenna. Hún komst í 32-manna úrslit og tefli þá gegn sterkustu skákkonu heims, Judit Polgar. En það reyndist henni um megn. Hafði Guðfríður Lilja, forseti Skáksambandsins, hent gaman af því að Judit hefði núna 2 heila, enda komin 5 mánuði á leið!

Mamedjarova þessi á eldri bróður, Shakhriyar Mamedyarov. Sá er núna í 15. sæti á Fide-listanum, fæddur árið 1985, eða sama ár og Kasparov varð heimsmeistari í fyrsta sinn. Verður spennandi að fylgjast með þeim systkinunum. Í framhjáhlaupi má geta þess að ég horfði á Mamedyarov tefla gegn Nataf, frönskum stórmeistara, með aðeins 30 sekúndur gegn 4 mínútum Frakkans og vinna samt!!

Að lokum skal stjórn Skáksambandsins þökkuð frábær skemmtan.